بسم الله الرحمان الرحيم
اليكن سيداتي مقادير وطريقة فقاس لذيذ وسهل بالكاوكاو و المشمش بالصور
مقادير فقاص بالكاوكاو و المشماش
3 بيضات
كاس سنيدة
كاس زيت(ممكن نخلطو الزيت وزبدة ذائبة)
نص كاس ماء زهر
2 معالق خل
معلقة نافع(ممكن استعمال حبة الحلاوة وزنجلان )
نص كاس كاوكاو محمر ومقسوم (ممكن لوز)
نص كاس مشماش يابس مقطع(ممكن زبيب أو فواكه معسلة)
كيس من خميرة الحلوى
كيس من سكر الفاني
دقيق حسب الخليط
رشة ملح
طريقة تحضير فقاص بالكاوكاو و المشماش
نخلطو البيض مع السكر والفاني مزيااان حتى يذوب السكر ثم نضيفو الزيت وماء الزهر والخل
ثم نضيفو حبة حلاوة وكاوكاو ومشماش ونجمعو الخليط بالدقيق ورشيشة الملح وخميرة الحلوة
نقسمو العجينة على 4 كويرات
نحربلو كويرات ونحطوهم في طاوة ( لي تيبغي الفقاص كبير يدير غير 3 حرابل)
ونحطوهم في الطاوة ونباعدو شوية بيناتهم ونبسطوهم بايدينا شوية
عاد ندهنوهم بصفار بيضة مع رشيشة نيسكافي وشوية الخل
وهنا السر في الطياب
خاص نديرو الفقاص في فران بارد حتى ندخلوه عاد نشعلو الفوق والتحت والحرارة تكون ناقصة
من بعد ما نخرجوه نوجدو زيف مفزك ومعسر مزيااان نحطوه فيه حريبلات تاع الفقاص ونغطيو عليهم عاد نغطوهم ببلاستيك ونخليهم حتى يبردو على خاطرهم ونبداو نقطعو فيهم خاص السكين يكون حااد
ونستفو فقاص في طاوة وندخلوه للفران يكون على درجة متوسطة باش يتحمر ويتكرمل على خاطرو
وهذا الشكل النهائي للفقاص بكاوكاو والمشماش وبالصحة والعافية
Aucun commentaire:
Enregistrer un commentaire